நாங்கள் அவர்கள் வாக்கிழத்தல்! செப்டம்பர் 12, 2007

சத்தியங்களால் அவர்கள்
எம்மைச் சமரசம் செய்தது
ஆறு கோடைகளுக்கு முன்னதான
ஆவணி மாதமொன்றின்
இளவெயில் பொழுதினில்தான்

வெந்து கிடந்த எங்கள் ரணங்களை
அவர்கள் முன் விரித்து வைத்தோம்
வசிய வார்த்தைகளால்
வருடிக் கொடுத்தார்கள்

வராமற் போனவள்! ஜூலை 11, 2007

நீ சந்திக்க வராத
அந்தக் கறுப்பு அந்திகளில்
மனசு சோம்பலாய்
வெறுமையோடு முனகும்!
•

ஆயினும் வழமை போல்
உன் சின்னத் தெருவின்
கிறவல் சிவப்பு
மௌனமாய் என்னோடு
சிரித்துக் கொள்ளும்!
யாராரோ வருவர், யாராரோ போவர்…
ஆனாலும் நீ வரவே மாட்டாய்!

•

அடக்கம்! ஜூலை 11, 2007

என் கிராமத்து ஆறு
ஆறாகவே இருக்கிறது.
என்னதான் மழை பெய்தாலும்
எப்படி நிரம்பினாலும்
என் கிராமத்து ஆறு…
ஏழானதில்லை!

( எனது தடைசெய்யப்பட்ட கவிதை தொகுப்பிலிருந்து….)

ஒரு கடல் துயரம்! ஜூன் 29, 2007

யாருண்டு?
இன்றின் என் துயரங்களை
ஒரு பாடல் கொண்டு
அன்றி,
ஒரு பருக்கையளவேனும்
பிரார்த்தனைத் துளி கொண்டு
துடைத்து விட யாருண்டு இங்கு?

•

சிறு கணமும் நிதானியாது
கருணையின்றி ஓர் உயிர் கொய்த
துயரத்தின் உறுத்தலில் தீய்க்கிறது நெஞ்சு!

•

தீக்குளித்தல் பற்றிய குறிப்பு! மே 10, 2007

நேற்றும் நீ நினைக்கப்பட்டாய்.
பாற்கடலாகினாய், பொங்கினாய்,
பூனையாகி நான் தவிக்க!

•

நீயில்லாத வரட்சிப் பொழுதுகளில் தாகித்தலையும் ஒற்றை ஞாபகங்கள்! April 30, 2007

உனக்கும் எனக்குமிடையிலான
தூரங்களின் தவிப்புகளால்
ஒரு கவிதை செய்து
நான் பாடுவேன்!

•

இரண்டு பாடல்களுக்கிடைப்பட்ட
மௌன வெளி
பிரித்தறிய முடியாததோர் ராகத்தில்
உரத்துச் சொல்லும்
உன்னை எனக்கு!

•